Foto: edu.gov.kz

QR Prem'er-Ministri Baqıtjan Sağıntaevtıñ törağalığımen ötken Ükimet otırısında QR eñbek jäne halıqtı äleumettik qorğau vice-ministri Birjan Nwrımbetov "Önimdi jwmıspen qamtu men jappay käsipkerlikti damıtu"  bağdarlaması ayasında 2017 jılğa 85,3 mlrd teñge qarastırılğanın mälimdedi. Bwl turalı prem'er-ministrdiñ resmi saytı habarladı. 

Vice-ministrdiñ sözinşe, bağdarlamanıñ birinşi bağıtı ayasında 2017 jılğı 1 qırküyekten bastap WBT-dan ötpegen jäne oqu orındarına tüspegen mektep tülekteri tegin käsibi jäne tehnikalıq bilim berumen qamtamasız etiledi.

21 mıñğa juıq jastar 2,5 jılğa KjTB oquğa jiberiledi, olardıñ oqularınıñ aqısı äri şäkirtaqısı, jol jüruge jwmsaytın aqşaları tölenedi jäne bir rettik ıstıq tamaqpen qamtamasız etiledi.

Sonday-aq, 1 säuirden bastap narıqta swranısqa ie mamandıqtar men käsipter boyınşa jwmısşı mamandardı qısqa merzimdi käsibi oqıtu jwmıstarı bastalğan. Büginde qısqa merzimdik kurstarğa 27,7 mıñ adam bağıttalğan.

Biılğı jıldıñ 1 tamızındağı derekter boyınşa, bağdarlamağa qatısuğa 276,2 mıñ adam ötiniş bildirgen, olardıñ 248,4 mıñı (90%) bağdarlama qatısuşılarınıñ qwramına qosıldı. Qatısuşılardıñ qwramına qosılğandardıñ qatarında jwmıssızdar – 200 mıñ adam (80,5%), özin-özi jwmıspen qamtığandar – 48,4 mıñ adam (19,5%). Esep beru künine 213,9 mıñ adam jwmısqa ornalastırıldı, olardıñ 178,3 mıñında (83,4%) mindetti zeynetaqı jarnaları (MZJ) bar. Twraqtı jwmıs ornına jwmıspen qamtılğandardıñ 56,1% (119,9 mıñ adam) ornalastı.

Ayta keteyik, Qazaqstanda käsibi tehnikalıq mamandıqqa qızığuşılıq az deuge boladı. Bwğan tülekter arasındağı tek JOO-ğa tüsu siyaqtı qalıptasqan qağidalar men mekep qabırğasında jürgen kezde balalarğa dwrıs käsibi bağdardıñ berilmeui sebep.

“The Qazaq Times”