ҚР Сенат төрағасы Қасым-Жомарт Тоқаев. Фото: sputniknews.kz

Қазір қоғамда латын әліпбиіне көшу туралы мәселе қызу талқыланып жатыр. Президент Нұрсұлтан Назарбаев қазан айында "Қазақ тілі әліпбиін кириллицадан латын графикасына көшіру туралы" жарлық шығарған. Алайда, әзірге дейін парламентке ұсынылған әліпби нұсқасы қоғамда қарама қайшылық тудырып отыр.

Еске сала кетейік, алғашқылардың бірі болып парламентте таныстырылған латын графикасына негізделген қосарланған әріптер қоғамда наразылық тудырған. Осыдан кейін ұсынылған 32 әріптен тұратын, апостраф арқылы белгіленген қазақ әріптері де қоғамда оң бағасын алған жоқ.

Осыған байланысты Қазақстан Республикасының Сенат төрағасы Қасым-Жомарт Тоқаев қазақ әліпбиін латынға көшіру кезінде қоғамдағы пікірлер мен ұсыныстарға назар аудару керегі туралы өзінің Twitter әлеуметтік желісінде жазды. Ол: "Ұлттық комиссия латын әліпбиі бойынша қоғам талқылауындағы мардымды ұсыныстарды ескеруі қажет". Сонымен қатар,  осыған дейін Елбасы айтқанындай, латын әліпбиін қолданысқа енгізуді кезең-кезеңімен іске асырған жөн", - деп жазған әлеуметтік желідегі парақшасында.

Мадина Керімқұлова

“The Qazaq Times”