Фото: CA-NEWS

Тәжікстан оппозициясы ұлттық альянсқа бірікті – деп хабарлайды Ахбор ақпарат агенттігі.

Қыркүйек айының 9-ы күні Варшава қаласында Тәжікстан аумағында тыйым салынған Исламды жаңғырту партиясы, Реформа және прогресс қозғалысы, Азат ойлы Тәжікстан форумы және Орталық Азия мигранттары ассоциациясы күш біріктіріп, ұлттық альянс аясын жұмыс істеуге уағдаласты. Польша астанасында өткен бас қосуда Тәжікстан оппозициялық коалиция басшылары Мұхиддин Кабири, Шарофиддин Гадоев, Алим Шерзамонов, Илхомжон Екубзода арнайы декларацияға қол қойды.

Тәжікстан билігінен қысым көріп, шетелге қоныс аударуға мәжбүр болған оппозициялық топтардың күш біріктіруіне байланысты келіссөздер осыдан бір жыл бұрын басталған. Жаңадан құрылған альянс  алдағы уақытта Тәжікстанда әділ сайлау өткізуге, экономикалық және саяси реформалар жасауға, адам құқығы мен сөз бостандығын орнатуға жұмыс істемек.

"The Qazaq Times"