Фото: vestifinance.ru

Ливияда шабуылдың салдарынан  екі мұнай кен орны жұмысын тоқтатты, деп хабарлайды РИА Новости.

Мұндай жағдай Эль-Филь мен Хамада кен орнында болған. Себебі шабуылшылар аталған мұнай кен орнын басқа кен орындарымен байланыстырып жатқан  құбырларды бұғаттап тастаған.

Бұдан бұрын осындай себеппен Ливиядағы ең ірі Шарара мұнай кен орны жұмысын тоқтатқан болатын.

Айта кетейік, Ливия Африкадағы ең көп мұнай қоры бар ел, қор көлемі шамамен 48 млрд баррельді құрайды. Сондай-ақ, ел ОПЕК пен оған мүше елдердің "мұнай көлемін қысқарту туралы" келісімінің міндеттерінен босатылған.

“The Qazaq Times”