Ресейлік "Вагнер" компаниясының жалдамалы жауынгерлері Ливиядан шегіне бастады. Аталған әскери компания жасақтарының Жуфра әуе базасынан шегініп жатқанын Ливиядағы ақпарат құралдар хабарлады. 

"әл-Ахрар" арнасының хабарына қарағанда ресейлік жалдамалы әскерлер 17 ақпаннан бастап жоғарыда аталған әуе базасынан шығарыла бастаған.

Хабарға қарағанда "Вагнер" жасақтары қорғап тұрған нысандар,  айталық су қоймалары мен өзге де әлеуметтік,  сиратегиялық маңызды нысандар қараусыз қалдырылған.

Бұған дейін аталған қауіпсіздік компаниясына тиесілі 7 мыңнан астас әскер Ливияда болғаны мәлім.

"The Qazaq Times"