Сүрия тұрғындары шабуылдардан зардап шегуде. Фото: nomisma.com.cy.

Адам құқықтарын қорғау ұйымы Сүрияда наурыз айында болған қақтығыстардан қаза болғандар санына қатысты мәліметтер жариялады. Мәліметке қарағанда, наурыз айында Башар Асад режимі, Ресей және YPG/PKK қарулы топтары қатарлы тараптар 54 рет шабуыл жасаған. Салдарынан 783 жазықсыз бұқара қаза тапқан. Бұл туралы «Анадолы» ақпараттық агенттігі хабарлады.

Хабарда көрсетілуінше бір ғана наурыз айында қаза тапқан 800-ге жуық адамның 198-і балалар, 138-і әйелдер. Шығыс Гутаға бағытталған 40 реткі шабуылдың 39-ы Башар Асад үкіметі жағынан жасалған. Осы мерзім ішінде жалпы Сүрия көлемінде Ресей қарулы күштері 4 рет, YPG/PKK қарулы топтары 2 рет, Сүриядағы өзге қарулы күштер 8 рет шабуыл жасаған. Әр реткі шабуылда ең кемінде 5 бейбіт тұрғындар қаза тауып отырған.

Сүрия адам құқықтары ұйымы Башар Асад режимі жағынан жасалған шабуылдарды баса айыптап, 142 бала мен 105 әйелді қамтыған 620 бейбіт тұрғынның қазасын арқалағанын айтты.

“The Qazaq Times”