Түркия Ресейдің Су-35 ұшақтарын сатып алуы мүмкін.

«Yeni Safak» басылымының мәліметінше, Анкара АҚШ Түркияны F-35 ұшақ бағдарламасынан шығаратынын мәлімдегеннен кейін, Ресейдің Су-35 ұшақтарын сатып алуды жоспарлауда. Егер Анкара Мәскеумен  келісімге келетін болса, Түркия қарулы күштерінің арсеналы Су-35 ұшақтарымен толығуы мүмкін.

Бұған дейін Шілде айында Ресейдің «Ростех» компаниясының басшысы Сергей Чемезов Түркияға Су-35 ұшақтарын сатуға дайын екендіктерін айтқан.

Түркия Ресейден С-400 әуе қорғаныс жүйесін сатып алғаннан кейін, шілде айының 17-і күні ресми Уашингтон Анкараны F-35 ұшақ жобасынан шығаратынын мәлімдеген. Кейіннен Пентагон Түркия 2020 жылыдың наурыз айында жобадан толықтай шығатындығын айтып, мәлімдеме таратты.

"The Qazaq Times"