Фото: Азаттық радиосы

Арыстағы жарылыстан жарақат алған 8 жасар бала көз жұмды.

Азаттық радиосының хабарлауынша, Түркістан облысындағы Арыс қаласында болған жарылыс кезінде жарақат алған 8 жастағы Аян Шәріпбек Нұр-Сұлтан қалалық №2 балалар ауруханасында көз жұмған. Дәрігер Айдын Нұртасұлының сөзінше, Аянның жүрегі 2 тамыз күні таңертең тоқтаған.

Маусым айының 24-і күні Арыс қаласында орналасқан қару-жарақ қоймасында өрт болып, оның арты оқ-дәрілердің жарылуына ұласқан. Дәл осы күні тұрғындарды қауіпсіз жерге эвакуациялау барысында Аян Шәріпбекті көлік қағып, басынан жарақат алған. 28 маусым күні санавиация өкілдері бүлдіршінді Нұр-Сұлтан қаласына жеткізген. Кейіннен оған шетелдік дәрігерлер ота жасаған.

"The Qazaq Times"