Фото: Kapital.kz

Қазақстандықтардың депозиттік ұйымдардағы салымдарының көлемі бір айда өзгермей (өсу 0,1%-ға), 2017 жылғы тамыздың соңында 17 651,3 млрд теңгені құрады. Бұл туралы Ұлттық банктің баспасөз қызметі хабарлады. 

Бас банктің мәліметінше, заңды тұлғалардың депозиттері 9 614,0 млрд теңгеге дейін 0,9%-ға қысқарып, жеке тұлғалардың депозиттері 8 037,3 млрд теңгеге дейін 1,2%-ға ұлғайған.

Ұлттық валютадағы депозиттердің көлемі 8 765,1 млрд теңгені (бір айда 3,4%-ға қысқарды) құрады, шетел валютасындағы депозиттер 8 886,2 млрд теңгеге дейін 3,7%-ға ұлғайды. Долларлану деңгейі тамызда 50,3%-ды құрады.

Заңды тұлғалардың ұлттық валютадағы депозиттері 2017 жылғы тамызда 3,6%-ға қысқарып, 5 288,7 млрд теңге болды, шетел валютасындағы депозиттері 4 325,4 млрд теңгеге дейін 2,7%-ға (заңды тұлғалар депозиттерінің 45,0%-ы) ұлғайды.

Жеке тұлғалардың теңгемен депозиттері 3 476,5 млрд теңгеге дейін 3,1%-ға
төмендеді, шетел валютасымен депозиттер 4 560,8 млрд теңгеге дейін 4,7%-ға (жеке тұлғалар депозиттерінің 56,7%-ы) өсті.

Мерзімді депозиттер 12 333,3 млрд теңгеге дейін 2,7%-ға өсті. Олардың
құрылымында ұлттық валютамен салымдар 5 847,1 млрд теңге, шетел валютасымен салымдар 6 486,2 млрд теңге болды.

Банктік емес заңды тұлғалардың ұлттық валютамен мерзімді депозиттері бойынша орташа алынған сыйақы мөлшерлемесі 8,0% (2016 жылғы желтоқсанда – 10,5%), жеке тұлғалардың депозиттері бойынша 12,2% (12,2%) деңгейінде қалыптасты.

Айта кетейік, соңғы айда ұлттық валютаның теңгеге қатысты бағамы 2,7 пайызға әлсіреп, мұны Ұлттық банк халықтың шетел валютасына сұраныстың артып кетуімен түсіндірген еді.

 “The Qazaq Times”