Фото: MIGnews

АҚШ Оңтүстік Корея аумағына ядролық қару орналастыруға дайын – деп хабарлайды Неміс толқыны ақпарат агенттігі.

Бұл жайында АҚШ қорғаныс министрі Джеймс Мэттис қыркүйектің 18-і күні журналистер алдында сөйлеген сөзінде айтты. «Біз Солтүстік Кореяның ядролық қаруына қарсы жасайтын бірнеше қадамымыз бар. Солардың бірі Оңтүсітк Корея аумағына өзіміздің ядролық қаруымызды орналастыру. Бұл бізді де, одақтастарымызды да Солтүстік Корея арандатуынан қорғайды. Қазіргі таңда Уашингтон мен Сеул арасында осы мәселеге байланысты келіссөздер жүріп жатыр» - деген ол.

Бұған дейін АҚШ-тың Біріккен Ұлттар Ұйымындағы тұрақты өкілі Никки Хейли: «Егерде Солтүстік Корея АҚШ-қа немесе оның одақтастарына қауіп төндіретін болса, онда жер бетінен жойылатын болады » - деген болатын. Ал Испания билігі Солтүстік Кореяның қыркүйектің 15-і күні өткізген зымыран сынағынан кейін, КХДР елшісін нон грат адамы деп атап, оған қыркүйектің 30-на дейін елден кетуге уақыт берген еді.

“The Qazaq Times”