Жердің ішкі қабаттары. Мантия Фото: incolors.club

Жапонияның теңіз түбін зерттеумен айналысатын ғылым және техналогия агенттігінің  ғалымдары (JAMSTEC) жақында жүзеге асырғалы жатқан жоспарларымен бөлісті. Адамзат тарихында алғаш рет ғалымдар жер қыртысын бұрғылай отырып, планетамыздың мантия қабатына дейін жетуді жоспарлап отыр. Соңғы 50 жылда әлем ғалымдары бұл идеяны бірнеше мәрте жасап көрген болатын. Бірақ  ешқайсысы діттеген нәтижеге жете алмады. Ал осы мақсатта жасалған соңғы зерттеу жұмысы Бірлескен мұхит түбін бұрғылау қоғамының жобасы болатын. Олар жоспарды жүзеге асыра алмағындықтан жұмысты тоқтатуға мәжбүр болған. Содан 700 метр тереңдікке дейін ғана бұрғылау жұмыстары жүргізілген. Ал жапон ғалымдарының өздеріне сенімді болуының құпиясы неде?

Мантия
Фото: incolors.club

CNN-де жарияланған ақпаратқа сәйкес, мұхит түбін бұрғылауға арнайы Chikyū кемесі жасалып жатыр. Арнайы жабдықталған "жерасты" кемесі осы уақытқа дейін пайдаланылып келгендеріне қарағанда үш есе қуаты әрі үш есе терең қазуға мүмкіндік береді. Жер қыртысының қалыңдығы 5-10 шақырымды құрағандықтан, бұл жұмыс барысы екі кезеңге бөлінген. Алдымен мұхиттың түбін 4 шақырымға дейін бұрғылап, екінші кезеңінде 6 шақырымын қазу жоспарланып отыр. Егер жоспар сәтті жүзеге асса мантия қабатына жетіп, мантиядан зерттеуге қажетті үлгілерді алуға мүмкіндік туады деп күтілуде.

Мұхиттың түбі

Бұл зерттеу жұмысының негізгі мақсаты: біріншіден - жер қыртысының сейсмологиялық қозғалысын бақылап отыру, екіншіден - планетамыздың геологиялық қалыптасуы жайлы нақты ақпаратқа қол жеткізу.

Әзірге бұрғылау жұмыстарының нақты басталатын уақыты белгісіз.  Бірақ JAMSTEC өкілдерінің айтуынша, 2030 жылға дейін барлық құрылғылар дайын болып, жұмысқа кірісуге болады екен.

"The Qazaq Times"