Қазгидрометтің бұрынғы басшылары сотталды.

Сот үкімі бойынша олар 10 жылға бас бостандығынан айырылып, өмір бойы мемлекеттік қызметтен шеттетілді.

Биыл 17 қаңтарда ҰҚК қызметкерлері 26,5 млн теңге пара алды деген күдікпен Қазгидрометтің бірқатар басшысын ұстаған болатын. Олар 2018 жылы метеорологиялық құрылғылар жеткізушілерден мемлекеттік сатып алуларға қатысқаны үшін ақша талап еткен. Ал 11 қаңтарда параның бірінші бөлігін 9,5 млн теңгені берілгені тіркелді. Араға санаулы күн салып параның екінші бөлігін алып жатқан жерінен Қазгидрометтің Қарағанды облысы бойынша филиалының директоры Андрианов пен Қазгидромет бас директорының орынбасары Сұлтанов ұсталған.

"The Qazaq Times"