Фото: CaakNews.mn

Моңғолияның бұрынғы және қазіргі президенттері бірін-бірі айыптауда.

Ақпан айының 13-і күні Моңғолия экс-президенті Цахиагийн Элбэгдоржа журналистермен кездесті. Кездесудің басты тақырыбы қазіргі мемлекет басшысы Халтмагийн Баттулганың Бас прокуратураға экс-президент Цахиагийн Элбэгдоржаның «Тавантолго» көмір кен орнындаға алаяқтық ісіне қатысы бар-жоғын тексеруді сұраған өтініші болды.

Элбэгдоржаның сөзінше, оның «Тавантолго» кен орнындағы дауға ешқандай қатысы жоқ. Керсінше, қазіргі президент Баттулганың "Эрдэнэт" тау-кен байыту комбинатының 49 пайыз акциясын заңсыз жекешелендіруге қатысы болуы мүмкін.

Бұған дейін БАҚ беттерінде «экс-президент Цахиагийн Элбэгдоржа мен оның жақындары әлемдегі ең үлкен «Тавантолго» кен орнын Қытайға 100 жылға жалға бермек болған» - деген ақпарат тараған.

"The Qazaq Times"