Қаржы жымқырды деген айып тағылған қазақстандық шенеуніктер мен олигархтар Ресей, Қырғызстан, Моңғолия, БАӘ, АҚШ және Әзірбайжан елдерінде жасырынып жүр.

Қазақстан Республикасының Қаржы министрлігіне қарасты Мемлекеттік Кірістер комитетінің баспасөз қызметі таратқан мәлімет бойынша, Комитет қызметкерлері 2017 жылы елімізде экономикалық қылмыс жасап, Ресей, Әзірбайжан, Қырғызстан, Моңғолия, БАӘ және АҚШ-та жасырынып жүрген 22 қазақстандық азаматты анықтаған. Қазіргі таңда Бас Прокуратура оларды Қазақстанға экстрадициялауға байланысты жұмыстар жүргізуде.

Іздеуде жүрген азаматтардың басым көпшілігіне сеніп тапсырылған дүние-мүлікті талан-таражға салу, жалған кәсіпкерлікпен айналысу, салық төлеуден жалтару, экономикалық контрабандамен айналысу баптары бойынша айып тағылған.

“The Qazaq Times”