Фото: nytimes.com

Ирак әскерилері "Ислам мемлекеті" лаңкестік ұйымының жарылғыш заттар өндіретін зауытын жарып жіберді. Зауыт Мосул қаласының батыс бөлігінде орналасқан. 

Соңғы 5 күнде Ирактың террористерге қарсы күрес жасағына 40 жихадшы өз еркімен берілген. Олар қаланың тарихи бөлігінде бір айға жуық уақыт қоршауда қалып қойған болатын. Сондай-ақ лаңкестердің қолына түскен Мосул қаласына іргелес Имам Гарби ауылы да азат етілді.

Естеріңізге сала кетейік, ағымдағы жылдың  10 шілдесі күні Ирактың Премьер-министрі Мосул қаласының террористердің қолынан қайтарылғаны туралы хабарлап, халықты жеңісімен құттықтаған еді.

“The Qazaq Times”