Қазақстан территориясының  басым бөлігінде  атмосфералық фронттардың өтуіне байланысты тұрақсыз ауа райы сақталады, кей жерлерде найзағайлы жаңбыр жауады және жел күшейеді. Республиканың солтүстік  өңірлерінің кей жерлерінде тұман түсіп, бұршақ жаууы мүмкін. Тек батыс оңтүстікте ауа райы жауын-шашынсыз болады.

Ақмола облысының  кей жерлерінде  бұршақ жаууы мүмкін. Солтүстік  Қазақстан облысында ішінара жерлерде тұман болады. Маңғыстау, Қарағанды, түнде  Павлодар, күндіз Атырау, Қостанай облыстарының  кей жерлерінде жел 15-20 м/с күшейеді.

Күндіз Қызылорда, Оңтүстік Қазақстан, Жамбыл, Қарағанды, Шығыс Қазақстан облыстарының кей жерлерінде өте жоғары өрт қауіпі сақталады.

Күндіз Павлодар, Шығыс Қазақстан облыстарының басым бөлігінде, Ақмола, Алматы, Жамбыл, Қостанай, Қарағанды облыстарының кей жерлерінде аптап ыстық болады.

“The Qazaq Times”