Түркіменстанда жанармай құю бекеттерінде тағы да бензин тапшылығы байқалуда.

Жергілікті БАҚ өкілдерінің хабарлауынша, Лебап және Дашогуз облыстарында жанармай сатылмай жатыр. Соңғы екі аптадан бері Дашогуз елді-мекенінде бензин жоқ. Дәл осындай жағдай Лебап облысында да кездеседі. АИ-95 маркалы бензин мүлдем сатылмайды. Тек АИ-80 маркалы жанармай шектеулі күйінде сатылуда.Жанармай бекеттерінің басым көпшілігі бос тұр. Бензин бар бекеттердің өзі жанармайды тек 10 литрден ғана сатуда.

Осыған дейін БАҚ өкілдері 2019 жылдың басынан бастап Түркіменстанда жанармай бағасы қымбаттайды деп хабарлаған.

Бір қызығы, тапшылық болып жатқан тұста, Түркіменстан билігі «мұнай өнімдерін шығару және экспорттау жоспардан асыра орындалды» деп есеп беріп жатыр.

"The Qazaq Times"