Қызылжар (Петропавл) қаласында нан бағасы қымбаттады.

Қызылжарда бөлке нан бағасы соңғы екі айда 15 пайызға қымбаттады. Дүкендерде осы уақытқа дейін 80 таңгеден саудаланып келген нан бағасы қазір 90-95 теңгеден сатылуда.

Жергілікті билік өкілдері нан бағасының қымбаттауын шығындардың көбеюімен байланыстырады.

Соңғы екі-үш айда Қызылжарда дизель бағасы 20 пайызға өскен. Бұған қоса су, коммуналды және кәріз қызметтері де өткен жылдармен салыстырғанда біршама қымбаттаған.

Естеріңізге салайық, осыдан біраз уақыт бұрын президент Нұрсұлтан Назарбаев Қауіпсіздік кеңесі отырысында коммуналдық қызмет терифтерін арзандату керектігін айтқан. Осыдан кейін премьер-министр Бақытжан Сағынтаев тиісті министрліктерге тарифтер бағасын қадағалауға тапсырма берген.

"The Qazaq Times"