Фото: telegraph.co.uk

АҚШ президентінің Ұлттық Қауіпсіздік  жөніндегі кеңесшісі Майкл Флинн қызметінен кетуіне өзі өтініш жазды.  Бұл туралы MSNBC  агенттігіне сілтеме жасап,   BBC Russia хабарлайды.

Бейресми деректер бойынша, қызметінен кетуіне оның  Ресеймен байланысы себепкер болғандығы айтылған. Майклдың  өтініш жазғандығын Ақ үй  (White House) БАҚ құралдарына мәлімдеген болатын. Экс-кеңесші  Ресей елшісі Сейргей Кислякпен Уашингтондағы байланысы туралы  толық емес ақпаратты жариялағанын мойындап,  Доналд Трамптан кешірім сұрады. Өткен аптада Washington Post Флиннің Кислякпен (Ресейдің АҚШ-тағы елшісі) 2016 жылдың желоқсан айында антиресейлік санкциялар туралы сөз қозғағандығы жарияланған.

Кейіннен Ресей президентінің баспасөз хатшысы  Дмитрий Песков Ресей мен АҚШ арасында  санкцияларды тоқтату жөнінде ешқандай келіссөздердің болмағанын жеткізді.

Енді АҚШ президентінің Ұлттық Қауіпсіздік жөніндегі кеңесшісі қызметіне Жозеф Кит Келлог келеді. Осыған дейін ол АҚШ-тың Ұлттық Қауіпсіздік кеңесінің басшысы қызметін атқарған.

«The Qazaq Times»