Фото: NefteGaz.kz

2017 жылдың қараша айында қазақстандық мұнайдың тоннасы 45,5 мың теңгені құрады.

Өткен айдағы бағамен салыстырғанда қара алтынның құны 0,3%-ға арзандаған. Қазан айындағы есеп бойынша, мұнай жыл басынан бері 17,1%-ға қымбаттаған болатын.

Статистикалық мәліметтерге сенсек, қараша айында ең қымбатқа сатылғаны -қызылорлалық мұнай. Бұл өңірдегі мұнайдың тоннасы өткен айда 67,5  мың теңгеден сатылған. Жыл басынан бергі өсім 27,6%-ды құраса, бір айда 5,7%-қа қымбаттаған.

Ал Ақтөбе мұнайы қараша айында 1,9%-ға (тоннасы 51,8 мың теңге), Атыраудікі 0,3%-ға (тоннасы 42,6 мың теңгеге дейін), ал маңғыстаулық мұнай бағасы 3,1%-ға (42,1 мың теңге) төмендеген.

Бензин бағасына келер болсақ, өткен айда жанармайдың тоннасы жыл басынан бері 9,7%-ға қымбаттап, 136,2 мың теңгеге жетті.

 “The Qazaq Times”