Фото: Nur.kz

 S&P халықаралық  агенттігі  мемлекеттік қолдау азайғандықтан "ҚазМұнайГаз" ұлттық компаниясының рейтингін "-ВВ" деңгейіне дейін төмендетті.

ҚМГ-ның шкала бойынша да рейтінгі "kzA"-дан "kzA-"-ға дейін төмендеді.

"Рейтингті төмендету ҚМГ-ға және басқа да мемлекетпен байланысы бар ұйымдарға мемлекет тарапынан берілетін қолдаудың азаюына байланысты болып отыр. Біздің ойымызша, "Самұрық-Қазына" ұлттық қоры арқылы қолдау көрсету шаралары айтарлықтай қиын әрі көп уақыт алады, тіпті қор тарапынан қысым болғандықтан, ҚМГ-ның минортиарлы үлесін жекешелендіру қиындай түсуі мүмкін", - дейді агенттік өкілдері.

S&P мәліметінше, Қазақстан үкіметі  өздеріне қатысы бар кейбір компаниялар мен ҚазМұнайГаздың қарызына шыдам танытып отыр, соның өзінде 2015 жылғы дағдарыс уақытында компанияға шектеулі көмек көрсетілген.

"Үкімет ҚазМұнайГазды "Самұрық-Қазына" арқылы бақылап отыр. Біздің ойымызша, бұл мемлекеттік қолдау көрсету механизмін қиындатып жібереді. Біз ҚМГ-ға мемлекеттік қолдау көрсетуге қатысты түпкі шешімдерді қабылдайтын қор емес, мемлекеттің өзі деп есептейміз, активтердің құрамы мен қор стратегиясын айқындайтынын да мемлекет. Біз "Самұрық-Қазынаны" түрлі сектордағы активтерді басқарумен айналысатын мемлекет құралы деп қарастырамыз", - дейді сарапшылар.

Айта кетейік, "ҚазМұнайГаз" АҚ - квазимемлекеттік компания. Ұлттық бола тұра мемлекеттің сыртқы қарызының көп бөлігі осындай компаниялардың мойнында. Тіпті жұмысшылар жалақысына қатысты даулар да осы компанияда жиі болады.

“The Qazaq Times”