Оразкүл Асанғазы, қоғам қайраткері. Фото: elarna.com

Әлемдегі барша дамыған халықтар сияқты қазақтың да дамуға, ілгерлеуге қақысы да, мүмкіндігі де бар. Адамзат баласы ғасырлар бойы бір-бірімен тәжірибе алмасып, селбесіп өмір сүріп келеді. Осы жолда бірінің жақсысын бірі алады. Бүкіл әлемге үлгі болатын дара ұлт жоқ. Әлемдік қауымдастық осындай бірлігімен күшті. Енді егемендік алып жатқан қазақ баласы да өзгелер жеткен межеге жетер. өзгелер бағындырған биіктерді алар. Өркениетті дүниенің есігі қазаққа да, ағылшынға да ашық. Қазақ соған өзге ұлттың бетпердесін жамылып, сөзін сөйлеп емес, өзінің болмысымен-ақ ене алады. Қазақ өзінің ұлттық әлеуетін тауыспаған, моральдік-этикалық ерекше болмысын сақтап отырған, бергенінен берері көп дарынды халық.

«The Qazaq Times»