Фото:BBC

Петербор метросында жарылыс жасады деген күдікпен 8 адам ұсталып, уақытша қамау изоляторына тоғытылды - деп жазады bbc.com сайты.
"Сенная площадь" және"Технологический институт" аялдамаларында өзін-өзі жарып жіберген лаңкеске қатысы бар деген күдікпен Петербор қаласында 6 адам, Мәскеуде 2 адам ұсталған. Санкт-Петербордың Невский аудандық соты күдіктілерді 2-ші маусымға дейін қамауда ұстауға шешім шығарған. Ал Мәскеудегі екінші күдіктіні, Басманның ауданының соты 3-ші маусымға дейін қамауға үкім етті. Бірақ олар өздерінің кінәсіздігін алға тартып, жоғарғы сотқа шағымданатынын айтқан.
3-ші сәуірде Петербор метросында жарылыс болып, салдарынан 14 адам көз жұмып, 50 адам жарақат алған болатын.

“The Qazaq Times”