Армения экс-президенті Серж Саргсян.

Арменияның экс-президенті Серж Саргсян өз жақтастарын жинауда.

«Sputnik Армения» ақпарат агенттігінің мәліметінше, Серж Саргсян өз басқаруындағы Республикалық партия мүшелерін жинап, арнайы жиын өткізген. Жиында Саргсян жақтастары елдегі саяси жағдай мен Ата Заң аясында жұмыс істеу мәселелерін талқылаған.

Қазан айының 3-і күні Армения премьер-министрі Никол Пашинян елде мерзімінен бұрын өтетін парламент сайлауына байланысты отставкаға кетуге дайын екендігін мәлімдеген.

Арменияда парламент сайлауы желтоқсан айына белгіленген.

"The Qazaq Times"