Фото: twitter.com/rsi_de

Словакия халқы мерізімен бұрын парламент сайлауын өткізуді талап етіп ереуілге шықты.

Сәуір айының 27-і күні 5 мыңға жуық словакиялық Братислав қаласының орталық алаңына жиналды. Наразылық шеруіне шыққан азаматтық белсенділердің басты талады елде мерзімінен бұрын парламент сайлауын өткізу. Ереуілді ұйымдастырушылардың сөзінше, ел үкіметіне журналист Ян Куцияктың өлімінен кейін халық сенбейді.

Естеріңізге салайық, 25 ақпан күні Словакияда белгілі журналист Ян Куциякқа қастандық жасалған. Салдарынан Куцияк пен оның қалыңдығы оқиға орнында көз жұмған. Ол өзінің соңғы зерттеу материалдында премьер-министр Роберт Фицоны Италия мафиясымен жақын қарым-қатынас орнатты деп айыптаған. Бірақ Фицоның өзі журналистің бұл айыптауын жоққа шығарған. Алайда премьердің ақталу әрекеттеріне қарамастан Словакия халқы жаппай ереуілге шыққан. Осыдан кейін Роберт Фицо мен оның екі көмекшісі, Ішкі істер министрі және мәдениет министрі отставкаға кеткен.

“The Qazaq Times”