АҚШ президенті Жо Байдан 2024 жылы екінші рет президент болуға күш салатынын мәлімдеді. Бұл туралы ол ABC арнасына берген сұхбатында ортаға салған.

«Мен тағдырға сенетін адаммын. Егер денсаулығым жақсы болса, 2024 жылғы сайлауға кандитат ретінде қатысамын», – деген Байден сөзінде. Ол бұған қоса, Республикашылдардың өкілі, бұрынғы президент Дональд Трамп сайлауға түссе, онымен тағы бір рет жарысып көруге дайын екенін де жеткізген.

Байденнің келесі сайлауға да қатысу ниеті бар екенін Ақ үй бұған дейін де мәлімдеген болатын. Америка Құрама Штаттарының келесі президент сайлауы 2024 жылы өтеді. Қазіргі президент Жо Байден ол кезде 81 жасқа толады және ол қазірдің өзінде АҚШ тарихындағы ең егде жастағы президент саналады.

The Qazaq Times