Қазақстан президенті Қасым-Жомарт Тоқаев пен Өзбекстан басшысы Шавкат Мирзиеев кездесті.

Тоқаев пен Мирзиеев сәуір айының 15-і күні Ташкент қаласында кездесті. Қазақстан делегациясының құрамында СІМ Бейбіт Атамқұлов, ҰҚК төрағасы Кәрім Мәсімов, президент әкімшілігі төрағасының бірінші орынбасары Дархан Калетаев, премьер-министр орынбасары Жеңіс Қасымбек, Қорғаныс министрі Нұрлан Ермекбаев, Ұлттық экономика министрі Руслан Даленов, Мәдениет және спорт министрі Арыстанбек Мұхамедиұлы, Еңбек және халықты әлеуметтік қорғау министрі Бердібек Сапарбаевтар бар.

Естеріңізге салайық, бұған дейін 3 сәуір күні Қасым-Жомарт Тоқаев ресми іссапармен Мәскеуге барған. Ол онда Ресей президенті Владимир Путинмен кездесіп, алдағы уақытта екі ел арасындағы қарым-қатынасты одан ары дамытуға уағдаласқан.