Фото: sports.kz

Бүгін АҚШ-та, кәсіби боксшылардың  орта категориядағы  салмақ бойынша, қазақстандық Қанат Ислам  бразилиялық  Робсон Ассиспен рингке шықты.  Қанат Ислам – WBO International  және  WBA Federation чемпионы –  АҚШ-тағы Делавор штатындағы Уилмингтон қаласында өткен, кәсіби бокс алаңында қарсыласын бірінші кезеңінде нокаутпен жығып, тағы бір мәрте жеңімпаз екендігін дәлелдеді.

Жоспар бойынша, аталмыш жекпе-жек 10 раундтан тұру керек. Бірақ Қанат қарсыласын бірінші кезеңінде-ақ жайратқан. Айта кетейік, жерлесіміз алғашқы минуттарда көзінен қатты соққы алса да, жекпе-жегін жалғастырды.

32 жасар спортшымыз  кәсіби бокс алаңдарында 2012 жылдан бері  сынға түсіп келеді және осы уақытқа дейін  әрбір жекпе-жегінен жүлдесіз қалмаған. Бұл – оның 23-ші ойынынан алған 23-ші жеңісі (нокаутпен құлатқан 15-ші жеңісі).

«The Qazaq Times»