Террорлық ұйым 2016 жылғы видео арқылы үш лаңкесті анықтады. Фото: VOA.

АҚШ Қазына департаментінің өткен аптаның соңында мәлімдеме жасап, Оңтүстік Шығыс Азияда үш адамның қауіпті террорист ретінде анықталғанын, әрі олардың «Ислам мемлекеті» ұйымымен қатысы бар екенін айтты.

АҚШ Қазына департаментінің мәліметінде:  "Малайзия азаматы Мухаммад Рафи Удан, индонезиялық Мухаммад әл-Калим Юсоп Файз және филиппиндік Мухаммад Реза Лахаман Гирам қатарлы үш адам 2016 жылы «Ислам мемлекеті» ұйымы таратқан үш тұтқынның басын кесу әрекеті түсірілген видеода бар екені анықталды", – делінген.

Қазына министрлігі аталған үш адамға толықтай қаржылық бұғаттау жасамақ және АҚШ-та арнайы анықталған жаһандық лаңкестер қатарына қосады.

Ал, БҰҰ Қауіпсіздік кеңесі бұл үшеуін аталған айыптар бойынша террористік ұйымның мүшесі ретінде тіркеді. Оған қоса, БҰҰ-ға мүше елдерден олардың кез-келген бағыттағы сапарына тыйым салуды, мүлкін, қаражаттарын бұғаттауды, халықаралық қаржы жүйесін кіруіне жол бермеуді талап етті.

“The Qazaq Times”