Армения премьер-министрі Никол Пашинян. Фото: Oxu.az

Армения премьер-министрі Никол Пашинян: «Таулы Қарабақ мәселесі күшпен шешілмейді» – деп мәлімдеді.

Маусым айының 25-і күнің өзінің Facebook парақшасында тікелей эфирге шыққан Никол Пашинян Таулы Қарабақ мәселесіне қатысты пікір білдірді. Ол онда: «Иә, дәл қазір Нахичеван шекара аумағында Әзірбайжан армиясы тұр. Бірақ бұл Таулы Қарабақ мәселесі ушығып тұр деген сөз емес. Армения ешқашан бірінші болып соғыс ашпайды. Бұны барлығы біледі, түсінеді. Десе де, біз кез келген арандатушы әрекетке дайын болуымыз қажет. Таулы Қарабақ мәселесі соғыспен, күш қолданумен шешілмейді» - деп мәлімдеді.

Естеріңізге салайық, Никол Пашинян мамыр айында билік басына келген. Ол осыған дейін ұзақ жылдар бойы Арманияны басқарып келген Серж Саргсянды жалпы ұлттық ереуіл нәтижесінде отставкаға кетірген.

“The Qazaq Times”