Израиль әскері соғыс жағдайына өтті – деп хабарлайды Неміс толқыны ақпарат агенттігі.

Мамыр айының 8-і күні Израиль армиясының ресми өкілі Джонатан Конрикус өзінің Twitter парақшасына: «Израиль армиясы Сүрия аумағындағы Иран әскерінің белсенді әрекеттеріне байланысты жергілікті билік өкілдеріне «Голанд биіктігіндегі» бейбіт тұрғандардың қауіпсіздігін қамтамасыз ету мақсатында бункерлерді дайындауға тапсырма берді. Израиль армиясы сырттан келетін кез келген арандату әрекетіне қатаң жауап береді» - деп жазған.

Бұдан бөлек Израиль қорғаныс министрі Авигдор Либерман жоғары лауызымды әскерилерді Тель-Авив қаласына шақыртқан. Онда олар Сүрия аумағындағы Иран армиясының іс-әрекетіне байланысты жиын өткізген. Жиыннан кейін Израиль қарулы күштері Дамаск қаласы маңында орналасқан Иран армиясына тиесілі әскери базаларды бомбалаған. Алдына ала болжамдар бойынша әуе шабуылы салдарынан 9 адам көз жұмған.

“The Qazaq Times”