Түркия премьер-министрі Бинали Йылдырым ресми іс-сапармен Моңғолияға барады – деп хабарлайды Монцамэ ақпарат агенттігі.

Агенттік мәліметінше, Бинали Йылдырымды Ұлан-Батырға Моңғолия премьер-министрі Ухнаагийн Хурэлсух шақырған. Іс-сапар барысында Йылдырым өзінің моңғолиялық әріптесімен ауылшаруашылығы, жеңіл өнеркәсіп және туризм салалары бойынша келіссөздер жүргізбек.

Бұдан бөлек Бинали Йылдырым Моңғолия президенті Халтмаагийн Баттулга мен парламент төрағасы Миеэгомбын Энхболдымен кездеседі деп күтілуде. Йылдырымның Моңғолияға іс-сапары екі күнге созылмақ. Ол Моңғолияға сәуір айының 6-сы күні барады.

“The Qazaq Times”