Фото: AFP

Словакияда журналист Ян Кучактың өлімінен соң премьер-министрдің көмекшісі Мария Трошкова, Қауіпсіздік кеңесінің хатшысы Вилиам Ясань, мәдениет министрі Марек Мадьярич отставкаға кетті.

Мадьярич мұндай қанды оқиғадан соң "министр орындығында отыра алмайтынын" мәлімдеген.

Ян Кучак Aktuality.sk сайтының редакциясында жұмыс істеген. Жемқорлық және ұйымдасқан қылмыстарды зерттеу жөніндегі халықаралық орталықпен (OCCRP) бірге жұмыс атқарған ол словак саясаткерлерінің италиялық мафиямен байланысын зерттеген. Куцьяктың 9 ақпанда жарияланған соңғы мақаласы Братиславадағы элиталы тұрғын үйлерге байланысты алаяқтық істер туралы.

Журналисті 25 ақпанда атып кетті. Полиция оның өлімін журналистік қызметімен байланыстырып отыр. Словакияда бұрын-соңды журналиске мұндай қастандық жасалған емес деп мәлімдеді полиция өкілі.

Словак оппозициясы ішкі істер министрі Роберт Калиняк пен полиция басшысы Тибор Гашпардың отставкаға кетуін талап етті.

“The Qazaq Times”