Фото: Голос Америки

АҚШ Ирандағы оқиғаларға байланысты БҰҰ-ның Қауіпсіздік Кеңесі мен БҰҰ-ның Адам құқықтары жөніндегі кеңесін арнайы кездесуге шақырады - деп хабарлайды Reuters ақпарат агенттігі.

Жақында АҚШ-тың Біріккен Ұлттар Ұйымындағы тұрақты өкілі Никки Хейли Ирандағы жағдайларға байланысты журналистер алдында сөз сөйлеген. Ол онда: «Әлем жұртшылығы Иранда болып жатқан жағдайларға бейжай қарамауы тиіс. Біз бұған үнсіз қарап отыра алмаймыз» -деген.

Естеріңізге салайық, Бұған дейін АҚШ президенті Дональд Трамптың әкімшілігі Иран билігін қарсылық акциялары кезінде елде әлеуметтік желілерді бұғаттамауға шақырған болатын. Желтоқсан айының 28-інен бері Иранда елдегі қымбатшылық пен тұрмыс деңгейінің төмендеуіне қарсы ереуілдер өтуде.

“The Qazaq Times”