Сенат төрағасы Қасым-Жомарт Тоқаев «Иерусалим мәселесіне» байланысты өтетін Ислам ынтымақтастық ұйымының саммитіне қатысады.

Қазақстан Республикасының президенті Нұрсұлтан Назарбаевтың тапысрамасы бойынша, Сенат төрағасы Қасым-Жомарт Тоқаев «Иерусалим мәселесіне» байланысты желтоқсан айының 13-і күні Стамбұл қаласында өтетін Ислам ынтымақтастық ұйымның кезектен тыс саммитіне қатысады. Саммит Түркия президенті Режеп Тайып Ердоғанның бастамасы бойынша ұйымдастырылуда. Ердоған бұндай қадамға АҚШ президенті Дональд Трамптың «Иерусалим қаласы Израиль астанасы» деген мәлімдемесінен кейін барған. Сенат баспасөз қызметі таратқан ақпарат бойынша, Қасым-Жомарт Тоқаевтан бөлек, Стамбұл саммитіне ҚР Сыртқы істер министрі Қайрат Абдрахмановта қатысады.

Естеріңізге салайық, 7 желтоқсан күні АҚШ президенті Дональд Трамп Иерусалим қаласын Израиль астанасы деп мойындап, Американың бас елшілігін Тель-Авив қаласынан Иерусалимге көшіруге тапсырма берген.

“The Qazaq Times”