Франция мен Израиль басшылары кездесуде. Фото: NDTV.com.

Франция президенті Эммануэль Макрон Израиль премьер-министрін қабылдады. Екі елдің басышылары үкімет аралық жоғары деңгейдегі келіссөз өткізді. Бұл туралы «Шинлаң» ақпараттық сайты хабарлады.

Кездесу кезінде талқыланған кейбір мәселелерде Макрон мен Нетаньяхудің пікірлері қайшы келді. Айталық, Иерусалим және Иран мәселелерінде ортақ пікірге келе алмады. Иран мен Израиль арасындағы ұзақтан бері жалғасқан түсінбестік пен сенім, ұстаным қайшылықтарында Макрон түсіністік үшін батыл дипломатиялық қадамдар жасау туралы ұсыныстарын, Израиль басшысы терістеп, екі ел арасындағы араздықтың салмағын Иран тарабына аударды.

Жақында ғана АҚШ президенті Трамптың Иерусалим шешімінен кейін қалыптасқан жағдайға байланысты, Макрон Трамп шешімінің өңір тұрақтылығына кері әсерін тигізгенін алға тартқан. Бұл мәселе де Нетаньяху жағынан терістелді.

Естеріңізге сала кетейік, Израиль премьері Еуропа сапарының алдында жасаған мәлімдемесінде Францияның Иерусалим мәселесі жөніндегі айыптауын «екіжүзділік» деп бағалаған болатын.

“The qazaq Times”