Фото: Vse.Media

Әлемдегі ең танымал криптовалюта биткоин қымбаттауын жалғастыруда. Электронды қаржының қазіргі кезде курсы шамамен 10 мың долларға жуықтаған.

 Cryptocompare мәліметіне сенсек, электронды валютаның курсы бүгін Алматы уақыты бойынша 9778 долларға жеткен. Осылайша биткоин құны бір жыл ішінде 10 есеге қымбаттады деуге болады.

Айта кетейік, Қазақстанда криптовалютаға қатысты пікір сан алуан. ҚР Ұлттық банк басшысы Данияр Ақышев электронды ақшаны қолдануға асықпау керектігін айтса, "Астана" халықаралық қаржы орталығының төрағасы Қайрат Келімбетов "ЭКСПО аймағы криптоаумаққа айналады" дейді.

“The Qazaq Times”