«Егер Украинаның Солтүстік Кореяға зымыран құрастыру технологияларын бергені жайындағы мәлімет расталатын болса, онда Украинаны «апат» күтіп тұр» - деп жазды елдің бұрынғы премьер-министрі Юлия Тимошенко өзінің Facebook парақшасында.

Тимошенконың сөзінше, Біріккен Ұлттар Ұйымының қарары бойынша, Пиоңяңға (Пхеньянға) қандайда бір қару сатуға тыйым салынған. Егерде Украинының Солтүстік Кореяға қару-жарақ бергені расталатын болса, онда Украинаға санкция салынуы мүмкін. Бұл дегеніміз Украина сырттан келетін көмектің барлығынан айырылады деген сөз.

Украинаның бұрынғы премьер-министрі Юлия Тимошенко.

Бұған дейін Украинаның ұлттық қауіпсіздік және қорғаныс кеңесінің хатшысы Александр Турчинов: «Украина әскери-өндіріс кешені Солтүстік Кореяға ешқандай қару-жарақ тасымалдаған жоқ» - деп мәлімдеген еді.

Естеріңізге салайық, бұдан біраз уақыт бұрын The New York Times басылымы АҚШ-тың International Institute for Strategic Studies құпия барлау орталығының сарапшысы Майкл Эллеманға сілтеме жасап, «Солтүстік Корея өзінің зымырандарына украиналық «Южмаш» кешені құрастырған қозғалтқыштарды пайдалануы мүмкін» деген ақпарат таратқан болатын.

“The Qazaq Times”