Венесуэла президенті Николас Мадуро Фото: anews.com

Венесуэла президенті Николас Мадуро Мексиканы банкрот-мемлекет деп атады.

Мадуро ұлттық телеарнаның эфирінде: «Мексика – зорлық-зомбылық, теңсіздік пен есірткі саудасының кесірінен банкрот-мемлекетке айналды» - деп, мәлімдеген болатын.

Бірақ Венесуэланың жағдайы Мексикаға қарағанда  жақсы болып тұрғаны шамалы. Ел үкімет билігіне қарсы 45 адамның өмірін қиған ереуілдер мен оппозициялық акциялардың салдарынан аса ауыр дағдарыс жағдайында.

Бұрынырақта өзге де Латын Америкасы елдерінің ішінде Мексика Венесуэладағы митингілдерде үкімет тарапынан күш қолдануды қатаң сынға алған болатын.

Мадураның пікірінше, Мексика билігі АҚШ тарапынан болып отырған қысымнан өз азаматтарын еш қорғай алмай отыр.

Венесуэла президенті: «Трамп Мексикаға барынша қысым көрсетіп жатыр, ал мексикалықтарды қорғайтын билік жоқ» - деген болатын.

“The Qazaq Times”