Бұрынғы Алматы облысы полиция департаментінің экс-басшысы Серік Күдебаевтың соты кейінге қалды. Бұл туралы тілшімізге Жетісу облыстық сотының пресс секретары Орынбасаров Нұрсұлтан мәлімдеді.

Өткен сот отырсында  10 наурызда сағат 11:00-де Серік Күдебаев соңғы сөзін сөйлейді делінген.  Алайда, бүгін Жетісу облыстық соты Күдебаевтың денсаулығына байланысты сот отырысына келе алмай қалғанын айтты.

Бұған дейінгі сот отырысында прокурор судьядан Күдебаевқа 9 жыл бас бостандығынан айыру жазасын тағайындауды сұраған.

28 ақпанда өткен сот отырсында прокурорлар Серік Күдебаевқа Қылмыстық кодекстің 362 бабының 4 бөлігімен 8 жыл, 146 баптың 2 бөлігімен 4 жыл қамау жазасын біріктіріп, 58 баптың яғни Қылмыстық құқық бұзушылықтар жиынтығы бойынша жаза тағайындаудың 3 бөлігімен 9 жылға қамау жазасын сұраған болатын.