Фото: showbernard.net

Түркіменстан мұнай-газ саласының қызметкерлері жалақысының 15-20 пайызын Азиада ойындарын өткізуге бөледі, деп хабарлады жергілікті БАҚ.

Бұл ақпаратты "Гамышлыжа небит" мұнай өндіруші кәсіпорынының жұмысшылары, сондай-ақ Балқан облысындағы "Түркіменнебит" концернінің қызметкерлері Азаттық радиосына растады.

Концерн инженерлерінің айтуынша, соңғы бірнеше күн бойы елдегі мұнай-газ саласындағы барлық кәсіпрындардың жұмысшыларын Азия ойындарына "өз еркімен көмектесу" үшін жалақының бір бөлігін беру туралы арыз жазуға міндеттеген.

Хабарларға қарағанда, қызметкерлер жалақыларының 15-20 пайызын сәуірден қыркүйекке дейін беріп отырады.

Бұған дейін мемлекеттік сектор қызметкерлері мен жеке кәсіпкерлерден "өз еркімен көмектесу" жарнасы алынатыны хабарланған еді.

“The Qazaq Times”