Қасым-Жомарт Тоқаев пен Сооронбай Жээнбеков. Фото: Ақорда

Қарашаның 27-сі ел президенті Қасым-Жомарт Тоқаев Қырғызстанға жұмыс сапарымен бармақ.

Ақорда баспасөз хатшысы Берік Уәлидің хабарлауынша, бүрсігүні мемлекет басшысы Қырғыз елінің президенті Сооронбай Жээнбековтің шақыруымен Қырғызтанға аттанады.

Келіссөздер барысында екі ел басшылары Қазақстан мен Қырғызстан арасындағы стратегиялық серіктестіктің қазіргі ахуалы мен перспективаларын талқылайды және кездесу қорытындысы бойынша бірқатар екіжақты құжаттарға қол қояды деп жоспарланған.

Сондай-ақ 28 қарашада Тоқаев Бішкек қаласында өтетін Ұжымдық қауіпсіздік шарт ұйымы (ҰҚШҰ) Қауіпсіздік кеңесінің сессиясына қатысады. Іс-шаралардың күн тәртібінде Ұйым жұмысы аясындағы өзара іс-қимылдарға қатысты көптеген мәселелер қарастырылып, ҰҚШҰ-ның биыл атқарған жұмыстары бойынша басым бағыттардың жүзеге асырылуы қорытындыланады деп жоспарланған.

"The Qazaq Times"