Фото: Google

Қазақстан президенті Қасым-Жомарт Тоқаев Ақтаудағы сапарында өзін насихаттауға қарсы екендігін айтты.  

Маңғыстау облысының қоғам өкілдерімен кездесу барысында ол: «Ақтауда менің суретім салынған 14 билборд орнатылғанын хабарлады маған. Мұны мүлдем орынсыз деп санаймын, маған ондай насихаттың керегі жоқ. Ондай әкімшілік пысықайлық не керек?» – деді.

Оның айтуынша, билбордтарды «Елбасы бастаған мемлекетіміздің нақты жетістіктерін көрсетуге арнау керек». Өз сөзінде ол: «Бұл менің барлық әкімдерген беретін нұсқауым», – деді.

Айта кетейік, мемлекет басшысы Қасым-Жомарт Тоқаев кезектен тыс президент сайлауы 9 маусымда өтетіндігін мәлімдеген болатын. Тәуелсіз Қазақстан тарихында президент сайлауы бір-ақ рет (2005 жылы) уақытында өткен. Қалған уақыттардың барлығында мерзімінен бұрын болған.

"The Qazaq Times"