Фото: Kazakh-tv.kz

Президент сайлауына үміткерлерді ұсыну 28 сәуірде аяқталады.

Орталық сайлау комиссиясы төрағасының орынбасары Константин Петров маусым айының 9-ы күні болатын президент сайлауына үміткерлерді ұсыну 10 сәуірде басталып, 28 сәуірде аяқталатынын айтты. Петровтың сөзінше, Қазақстанда мерзімінен бұрын президент сайлауын өткізу барлық заңдарға сәйкес жарияланған.

«Кандидаттардың сайлау жарнасы 2 миллион 125 мың теңгені құрайды. Аталмыш қаржы үміткер жеңіске жеткен жағдайда немесе сайлаушылардың 5 пайыз дауысын жинаған жағдайда қайтарылады» - деп мәлімдеді Петров.

Мемлекет басшысы Қасым-Жомарт Тоқаев кезектен тыс президент сайлауы маусым айының 9-ы күні өтетіндігі жөнінде кеше мәлімдеген. Тәуелсіз Қазақстан тарихында президент сайлауы бір-ақ рет (2005 жылы) уақытында өткен. Қалған уақыттардың барлығында мерзімінен бұрын болған.

"The Qazaq Times"