Фото: vestifinance.ru

Нью-Йорк билігі Bank of America Merrill Lynch-ты акцияларды сатып алуға арналған ордерге қатысты клиенттерін жаңылыстырғаны үшін айыптады. Аталған банкке 42 млн доллар көлемінде айыппұл салды, деп хабарлады «Вести. Экономика».

Нью-Йорктің бас прокуратурасы таратқан ақпаратқа қарағанда, аталған банк 2008 жылдан бері "бірнеше жыл бойы алаяқтық" жасап келген.

Банк клиенттердің акция сатып алуға арналған ордерлерін тікелей биржалар емес, Citadel Securities, Knight Capital, D.E. Shaw, Two Sigma Securities және Madoff Securities сынды компаниялармен жұмыс істеген "көлеңкелі пулдар" арқылы жіберіп отырған. Бас прокуратура атап өткендей, Bank of America ордер туралы ақпаратқа басқа кім қол жеткізе алатынына байланысты клиенттерін жаңылыстырған.

“The Qazaq Times”