Қытай-Пәкістан арасында терроризмге қарсы ынтымақтастық орнатты. Фото: Quartz.

Қытай Сыртқы істер министрлігінің ресми мәлімдемесінде, терроризмге қарсы күресте Пәкістанмен ынтымақтастықты және жан-жақты байланыстарды күшейтетіні айтылды. Бұл туралы «Шинлаң» ақпараттық сайты хабарлады.

Қытай СІМ өкілі Пәкістанды «барлық жақтағы сенімді әрі стратегиялық серігіміз» деп бағалаған.

Ресми мәліметте, Пәкістанды терроризмге қарсы күрестегі белсенді ел ретінде алқап, «Пәкістан терроризмді қаржыландыруды болдырмау үшін үлкен үлес қосты» делінген. Әрі, Халықаралық ұйымдарды Пәкістанның бұл жетістігіне назар аударуға шақырған. Қытай-Пәкістан арасында терроризмге қарсы берік ынтымақтастық орнатқанын атап өткен.

Ресми Бейжіңнің Пәкістанмен терроризмге қарсы күресте ынтымақтастықты тереңдетуі Қытайдың осы аймақтағы әскери әрекеттеріне жол ашқанын білдіреді.  Ол және Орта Азия, Орта Шығыс елдеріне Қытайдың әскери кеңеюінен тың қатерлерді ала келеді. 

 “The Qazaq Times”