АҚШ президенті Дональд Трамп пен Ресей басшысы Владимир Путин телефон арқылы сөйлесті – деп хабарлайды Ақ үй баспасөз қызметі.

Ақпан айының 12-сі күні Дональд Трамп пен Владимир Путин телефон арқылы сөйлескен. Сөйлесу барысында екі ел басшылары Израиль мен Палестина мәселесі жөнінде, Солтүстік Кореяның ядролық бағдарламасы жөнінде пікір алмасқан.

Бұдан бөлек Дональд Трамп Владимир Путинге Мәскеу түбінде 71 адамның өмірін қиған АН-148 ұшағының апатқа ұшырауына байланысты көңіл айтқан.

Естеріңізге салайық, бұған дейін Владимир Путин 2017 жылдың 11 желтоқсанында «Дональд Трамптың Иерусалим қаласын Израиль астанасы деп мойындауы Таяу Шығыстағы жағдайды ушықтырып жіберуі мүмкін» - деп мәлімдеген болатын.

“The Qazaq Times”