Фото: Kapital.kz

2017 жылдың 1 желтоқсанынанан бастап банктердегі шетел валютасындағы депозиттердің мөлшерлемелерінің ең жоғары деңгейі  1%-ға дейін төмендетіледі. Бұл туралы Қазақстанның депозиттерге кепілдік беру қоры хабарлады. 

Қордың мәліметінше, жеке тұлғалардың жаңадан тартылған ұлттық валютадағы депозиттері бойынша ең жоғарғы сыйақы мөлшерлемелері бұрынғы деңгейде, 14% болып сақталады.

Ал шетел валютасындағы ең жоғарғы сыйақы мөлшерлемесі 1 % болады.

"Қазіргі уақытта қормен ұсынылатын жеке тұлғалардың жаңадан тартылған шетел валютасындағы депозиттері бойынша ең жоғарғы сыйақы 1,5% мөлшерлемелері 1 желтоқсанынан бастап 1% дейін төмендетіледі. Жаңадан тіркелген жеке тұлғалардың теңге бағамындағы депозиттері бойынша сыйақы мөлшері бұрыңғы деңгейде, яғни 14 пайыз көлемінде сақталады. Алайда Қордың Директорлар Кеңесі және/немесе Акционері депозит нарығы конъюнктурасының күрт өзгеруі жағдайында аталмыш мөлшерлемелерді қайта қарастыруы мүмкін", - делінген баспасөз хабарламасында.

Айта кетейік, бұдан бұрын Ұлттық банк төрағасы Данияр Ақышев Қазақстанның депозиттерге кепілдік қорымен (ҚДКҚ) бекітілген теңгеде салынған депозиттердің ең жоғарғы тиімді сыйақы мөлшерлемесі өзгеріссіз қалатынын мәлімдеген.

“The Qazaq Times”