Фото: Reuters.

АҚШ «Ислам мемлекеті» лаңкестік ұйымын жеңгеннен кейін Сүрия аумағында қалмайды, деп мәлімдеді АҚШ мемлекеттік департаментінің ресми өкілі Хезер Науэрт.

Хезер Науэрт журналистер алдында сөйлеген сөзінде: «Біздің мақсатымыз «Ислам мемлекеті» ұйымының көзін құрту. Одан басқа ешқандай ойымыз жоқ. Біз Сүрияны АҚШ емес, басқа емес, сүриялықтардың өздері басқарғанын қалаймыз» - деген.

Бірақ бұған дейін Сүрия демократиялық күштерінің өкілі Таляля Село Reuters агенттігіне берген сұхбатында АҚШ әскерилері «Ислам мемлекеті» террорлық ұйымы жеңіліс тапқаннан кейін де Сүрияның солтүстік аудандарында қала береді деген.

“The Qazaq Times”