Фото: vko.sud.kz

Алматы қаласында кәмелеттік жасқа толмағандардың заңды өкілдерінің ертіп жүруінсіз түн мезгілінде көңіл көтеру орындарында (22.00-ден кейін) және үйден тысқары жерлерде (23.00-ден кейін) жүргені үшін 2 мың 420 ата-ана әкімшілік жауапкершілікке тартылды. Бұл туралы Алматы қаласы ІІД-ның баспасөз қызметі хабарлады. 

Сондай-ақ, кәмелеттік жасқа толмағандардың түнгі уақытта заңды өкілдерінің ертіп жүруінсіз көңіл көтеру орындарында жүруіне жол берген ойын-сауық мекемелерінің 37 қызметкері сот шешімімен әкімшілік жауапқа тартылған.

Ювенальды полиция қызметкерлері, учаскелік инспекторлар мен криминальды полиция өкілдерінен құрылған топтар күн сайын өзге қалалардан келген жасөспірімдерді дер кезінде анықтау үшін жастар мен жасөспірімдер көп шоғырланатын (жастар көп жиналатын жерлер, аулалар, жертөлелер, шатырлар, ойын-сауық мекемелері, базарлар, вокзалдар, скверлер мен саябақтар және т.б.) жерлерде рейдтік шаралар жүргізуде.

“The Qazaq Times”